ڈسٹرکٹ اینڈ سیشن جج عبہر گل لاہور ہائیکورٹ کی پہلی خاتون رجسٹرار تعینات
ڈسٹرکٹ اینڈ سیشن جج عبہر گل کو لاہور ہائی کورٹ کی پہلی خاتون رجسٹرار تعینات کردیا گیا۔
چیف جسٹس لاہور ہائی کورٹ جسٹس عالیہ نیلم نے سیشن جج عہدے کی جوڈیشل افسر عبہر گل کو رجسٹرار لاہور ہائیکورٹ تعینات کردیا۔
اس طرح آج ہی پہلی خاتون چیف جسٹس لاہور ہائی کورٹ کا حلف اٹھانے والی جسٹس عالیہ نیلم کے ساتھ عبہر گل کو پہلی رجسٹرار لاہور ہائی کورٹ تعینات کردیا گیا جب کہ ان سے قبل رجسٹرار لاہور ہائی کورٹ کے عہدے پر تعینات عبد الرشید عابد کو تبدیل کردیا گیا۔
یاد رہے کہ عبہر گل نے بطور ڈسٹرکٹ اینڈ سیشنز جج 9 مئی 2023 کے واقعات بشمول جناح ہاؤس پر حملہ، مسلم لیگ (ن) کے رہنماؤں کی جانب سے اشتعال انگیز گفتگو کرنے کے مقدمے سمیت کئی اہم کیسز کی سماعت کی تھی۔
لائیو ٹی وی