آئی سی سی ٹی 20 رینکنگ میں بابر اعظم کی ایک درجہ ترقی
نیوزی لینڈ کے خلاف حال ہی میں ٹی ٹوئنٹی سیریز کے بعد آئی سی سی ٹی 20 رینکنگ میں قومی ٹیم کے کپتان بابر اعظم کی ایک درجہ ترقی ہوگئی اور وہ ٹاپ 4 میں شامل ہوگئے۔
نیوزی لینڈ کے خلاف سیریز 2-2 سے برار رہی تھی، پانچ میچز کی ٹی ٹوئنٹی سیریز میں بابر اعظم نے نصف سنچری اسکور کی تھی اور انہوں نے 4 میچز میں مجموعی طور پر 125 رنز اسکور کیے تھے۔
حال ہی میں جاری ہونے والی ٹی ٹوئنٹی رینکنگ میں بابر اعظم ایک درجہ ترقی کرکے چوتھے نمبر پر آگئے ہیں، ان کی ریٹنگ 10 پوائنٹس بڑھ کر 763 ہوگئی ہے، اب وہ بھارتی کھلاڑی سوریہ کمار سے صرف 98 ریٹنگ پوائنٹ پیچھے ہیں۔
فخر زمان کی درجے میں بھی ترقی ہوئی ہے اور وہ 10 درجے ترقی کر کے 62 ویں نمبر پر پہنچ گئے۔
نیوزی لینڈ کے ٹم سیفرٹ 144.06 کے اسٹرائیک ریٹ کے ساتھ سیریز میں 85 رنز بنانے کے بعد ٹی ٹوئنٹی رینکنگ میں ساتویں نمبر پر آگئے ہیں۔
سیریز میں 4 میچز میں 8 وکٹیں حاصل کرنے والے شاہین آفریدی تین درجے ترقی کے بعد 14ویں نمبر پر ہیں۔
نیوزی لینڈ کے مائیکل بریسویل 13 درجے ترقی کرکے 55 ویں نمبر پر آگئے اور بین سیئرز 29 درجے ترقی کرکے 60 ویں نمبر پر آگئے۔
پاکستان کے عماد وسیم ٹی ٹوئنٹی آل راؤنڈر رینکنگ 10 درجے ترقی کر کے 22 ویں نمبر پر آ گئے۔
لائیو ٹی وی