اسلام آباد ہائی کورٹ: بابر اعوان کا نام ای سی ایل سے نکالنے کا حکم
اسلام آباد ہائی کورٹ نے سینئر قانون دان و رہنما پاکستان تحریک انصاف بابر اعوان کا نام ایگزٹ کنٹرول لسٹ (ای سی ایل) سے نکالنے کا حکم دے دیا۔
ڈان نیوز کے مطابق جسٹس ثمن رفعت امتیاز نے بابر اعوان کی درخواست پر سماعت کی، اس موقع پر درخواست گزار بابر اعوان کی جانب سے وکیل صدر ہائی کورٹ بار ریاست علی آزاد عدالت میں پیش ہوئے۔
وکیل درخواستگزار نے مؤقف اپنایا کہ درخواست گزار کا نام ای سی ایل میں ڈال دیا گیا ہے، انہوں نے استدعا کی کہ بابر اعوان کا نام ای سی ایل سے نکالنے کا حکم دیا جائے۔
بعد ازاں عدالت نے بابر اعوان کا نام ای سی ایل سے نکالنے کاحکم دیتے ہوئے درخواست نمٹادی۔
یاد رہے کہ 28 مارچ کو وفاقی کابینہ نے بابر اعوان کا نام ای سی ایل سے نکالنے کی منظوری دی تھی، وفاقی کابینہ نے وزارت داخلہ کی سمری سرکولیشن کے ذریعے منظور کرتے ہوئے 24 نام ای سی ایل میں ڈالنے کی اجازت بھی دے دی تھی۔
لائیو ٹی وی