مختلف سبزیوں کے امتزاج سے بنا ’کریمی وائٹ ساس کٹلس‘
کٹلس کو مختلف گوشت اور اس کے قیمے سے بنایا جاتا ہے، یہ آلو اور مختلف سبزیاں سے بھی بنائے جاتے ہیں، اس لیے اسےبچے اور بڑے شوق سے کھاتے ہیں بالخصوص رمضان میں افطاری کے وقت اسے بے حد پسند کیا جاتا ہے۔
اس کے علاوہ عام اوقات میں اسے شام کی چائے کے ساتھ بطور سنیکس بھی خوب مزہ دیتے ہیں۔
لیکن آج بھی اسے مختلف انداز میں بنائیں گے، کریمی وائٹ ساس کٹلس آپ کو بےحد پسند آئیں گے۔
چکن بنانے کے لیے اجزا
تیل 2کھانے کے چمچ
پیاز 1 درمیانی کٹی ہوئی
لہسن کٹا ہوا 1 چمچ
چکن ابلا ہوا اور کٹا ہوا ڈھائی کپ
کالی مرچ پسی ہوئی آدھا چائے کا چمچ
نمک 1 چائے کا چمچ یا حسب ذائقہ
مکئی ابلی ہوئی ایک کپ
شملہ مرچ کٹی ہوئی 3 چمچ
ترکیب
ایک کڑاہی میں پیاز، لہسن ڈال کر اچھی طرح مکس کریں، پھر ایک منٹ کے لیے بھونیں۔
ابلا ہوا اور کٹا ہوا چکن، کالی مرچ پسی ہوئی، نمک ڈال کر اچھی طرح مکس کریں اور درمیانی آنچ پر 2 منٹ تک پکائیں۔
مکئی کی گٹھلی، شملہ مرچ ڈال کر اچھی طرح مکس کریں اور ایک منٹ تک پکائیں پھر ایک پیالے میں نکال کر ایک طرف رکھ دیں۔
ساس بنانے کے لیے اجزا
مکھن 2-3 چمچ
کھانا پکانے کا تیل 1 چمچ
میدہ 3 چمچ
دودھ 1 اور ½ کپ
اوریگانو ½ چائے کا چمچ
کالی مرچ پسی ہوئی آدھا چائے کا چمچ
نمک آدھا چائے کا چمچ یا حسب ذائقہ
چیڈر چیز 1 کپ
انڈے 2
بریڈ کرمب 1 کپ یا حسب ضرورت
تلنے کے لیے تیل
ترکیب
ایک کڑاہی میں مکھن یا کوکنگ آئل ڈالیں، اس میں میدہ شامل کریں اور 30 سیکنڈ تک اچھی طرح مکس کریں۔
ہلاتے ہوئے آہستہ آہستہ دودھ شامل کریں۔
اوریگانو، کالی مرچ پسی ہوئی، نمک ڈالیں اور گاڑھا ہونے تک اچھی طرح ہلائیں۔
اب اوپر جو ہم نے چکن بنائی ہے وہ ڈالیں اور چیڈر پنیر ڈال کر اچھی طرح مکس کریں اور ٹھنڈا ہونے کے رکھ دیں
پھر چکنائی والے ہاتھوں کی مدد سے تھوڑی مقدار میں مکسچر لیں اور کٹلیٹ میں شکل دیں۔
کٹلٹس کو انڈے میں ڈبو کر بریڈ کرمبس کے ساتھ کوٹ کریں
کڑاہی میں تیل گرم کریں اور ہلکی آنچ پر گولڈن براؤن ہونے تک بھونیں۔
ٹماٹو کیچپ یا چٹنی کے ساتھ سرو کریں!
لائیو ٹی وی