کراچی: ضلع شرقی میں پولنگ کا عمل تاخیر کا شکار
پولنگ کے آغاز کو 4 گھنٹے گزر جانے کے باوجود کراچی کے ضلع شرقی میں پولنگ کا عمل تاخیر کا شکار ہے۔
’ڈان نیوز‘ کے مطابق ضلع شرقی کے حلقے این اے 235 ،236، 237 اور 238 میں پولنگ کا عمل بروقت شروع نہ ہوسکا۔
این اے 235 میں نیو سبزی منڈی، اور سچل گوٹھ، این اے236 گلستان جوہر بلاک 10، گلشن ضیاکالونی میں بھی پولنگ کا عمل تاخیر کا شکار ہے۔
این اے237 اے بی سینیالائن، دھوبی گھاٹ، چنیسرگوٹھ میں بروقت پولنگ شروع نہ ہوسکی جبکہ این اے 238 میں پولنگ عملے کے بروقت نہ پہنچنے پرپولنگ کاعمل شروع نہ ہوسکا۔
کہیں پولنگ اسٹاف کی تاخیر تو کہیں بیلٹ باکس نہ ہونے کی شکایات موصول ہوئیں جس کی وجہ سے ووٹرز کو مشکلات کا سامنا ہے۔
لائیو ٹی وی