بلاول بھٹو زرداری آج کراچی میں انتخابی ریلی کی قیادت کریں گے
سابق وزیر خارجہ و چیئرمین پیپلزپارٹی بلاول بھٹو زرداری آج کراچی میں انتخابی ریلی کی قیادت کریں گے۔
’ڈان نیوز‘ کے مطابق ریلی شہر کے مختلف علاقوں سے ہوتے ہوئے داؤد چورنگی پہنچ کر ختم ہوگی، بلال بھٹو زرداری مختلف مقامات پر ریلی کے شرکا سے خطاب کریں گے۔
ریلی کا آغاز دن ایک بجے بلاول ہاؤس سے ہوگا، ریلی شیریں جناح کالونی، کیماڑی اور ٹاور سے ہوتی ہوئی لی مارکیٹ پہنچے گی۔
اس کے بعد ریلی چاکیواڑہ، شیرشاہ، سائٹ اور پاک کالونی سے ہوتی ہوئی پرانا گولیمار جائے گی اور نشتر روڈ، لسبیلہ اور گلبہار سے ہوتی ہوئی رضویہ چورنگی پہنچے گی۔
بلاول بھٹو کی قیادت میں ریلی ناظم آباد پیٹرول پمپ اور لیاقت آباد دس نمبر کے راستے سے حسن اسکوائر جائے گی، یونیورسٹی روڈ سے ہوتے ہوئے ریلی صفورا اور ملیر کینٹ جائے گی، ملیر کالابورڈ سے ہوتے ہوئے ریلی داؤد چورنگی پہنچ کر اختتام پذیر ہوگی۔
لائیو ٹی وی