انڈر19 ورلڈ کپ میں بنگلہ دیش کو شکست دے کر پاکستان کی سیمی فائنل میں رسائی
انڈر19 ورلڈ کپ کے سپر سکس مرحلے کے میچ میں پاکستان نے فاسٹ باؤلر شاہ کی تباہ کن باؤلنگ کی بدولت بنگلہ دیش کو سنسنی خیز مقابلے کے بعد 5رنز سے شکست دے کر سیمی فائنل میں جگہ بنا لی۔
جنوبی افریقہ کے شہر بینونی میں کھیلے گئے میچ میں بنگلہ دیش نے پہلے باؤلنگ کا فیصلہ کیا جو درست ثابت ہوا کیونکہ پاکستانی بیٹنگ لائن بری طرح ناکامی سے دوچار ہوئی۔
پاکستان انڈر19 ٹیم پہلے بیٹنگ کرتے ہوئے 41ویں اوور میں 155 رنز بنا کر آؤٹ ہو گئی، عرفات منہاس 34 رنز بنا کر نمایاں سب سے کامیاب بلے باز رہے جبکہ شاہ زیب خان 26 اور علی اسفند 19 رنز بنا کر دیگر نمایاں بلے باز رہے۔
بنگلہ دیش کی جانب سے روحانت بورسن اور شیخ جیبون نے چار، چار کھلاڑیوں کو آؤٹ کیا۔
جواب میں عبید شاہ کی تباہ کن باؤلنگ کے سبب بنگلہ دیش کی پوری ٹیم 150 رنز پر ڈھیر ہو گئی اور پاکستان نے سنسنی خیز مقابلے میں 5 رنز سے کامیابی حاصل کر لی۔
عبید شاہ نے 44 رنز کے عوض 5 وکٹیں لیں جبکہ علی رضا نے بھی تین کھلاڑیوں کو پویلین کی راہ دکھائی۔
عبید شاہ کو ان کی تباہ کن باؤلنگ پر میچ کا بہترین کھلاڑی قرار دیا گیا۔
لائیو ٹی وی