مسلم لیگ (ن) آج گوجرانوالہ میں سیاسی پاور شو کرے گی
پاکستان مسلم لیگ (ن) آج پہلوانوں کے شہرگوجرانوالہ میں سیاسی پاور شو کرے گی۔
’ڈان نیوز‘ کے مطابق جلسے سے سربراہ مسلم لیگ (ن) میاں نواز شریف، میاں شہباز شریف اور مریم نواز خطاب کریں گی۔
گوجرانوالہ میں واقع جناح اسٹیڈیم میں ہونے والے جلسہ کی تمام تیاریاں مکمل کرکے پنڈال میں پارٹی قائدین کی بڑی بڑی تصاویر آویزاں کی گئی ہیں۔
جلسہ گاہ میں وی آئی پیز اور خواتین کےلیے 5 دروازے بناکر سیکیورٹی کے سخت انتظامات کیےگئے ہیں۔
جلسہ سے نواز شریف، شہباز شریف اور مریم نواز کے علاوہ خرم دستگیر خان بھی خطاب کریں گے۔
صدر مسلم لیگ (ن) گوجرانوالہ سلمان خالد پومی بٹ کا کہنا ہے کہ آج کا جلسہ گوجرانوالہ کی تاریخ کا سب سے بڑا جلسہ ثابت ہوگا۔
لائیو ٹی وی