بلدیاتی نمائندوں کی انتخابی مہم پر نوٹس، میئر سکھر، چیئرمین ضلع کونسل کو ایڈوائزری جاری
سکھر میں بلدیاتی نمائندوں کی انتخابی مہم پر ڈسٹرکٹ مانیٹرنگ افسر نے نوٹس لیتے ہوئے میئر سکھر ارسلان شیخ اور چیئرمین ضلع کونسل کمیل حیدر شاہ کو ایڈوائزری جاری کر دی۔
ڈان نیوز کے مطابق ڈسٹرکٹ مانیٹرنگ آفیسر نے کہا کہ کوئی بلدیاتی نمائندہ انتخابی مہم کا حصہ نہیں بن سکتا، الیکشن کمیشن کے ضابطہ اخلاق کے پیرا 18کے تحت نوٹس جاری کیا۔
جاری انتباہ میں کہا گیا کہ کونسلز کے نمائندہ کو بھی انتخابی مہم کا حصہ نہ بننے کا پابند بنایا جائے، الیکشن کمیشن کے ضابطہ اخلاق کی خلاف ورزی پر کارروائی بھی کی جاسکتی ہے۔
مانیٹرنگ افسران نے ہدایت کی کہ بلدیاتی نمائندے کے انتخابی مہم میں شرکت کے ثبوت پیش کریں۔
لائیو ٹی وی