کراچی: مبینہ پولیس مقابلے کے بعد لیاری گینگ وار کے 2 کارندے گرفتار
کراچی پولیس نے مبینہ مقابلے کے بعد لیاری گینگ وار کے 2 کارندے پکڑ لیے۔
ڈان نیوز کے مطابق کراچی پولیس نے بتایا کہ دونوں ملزمان کو لیاری کے علاقے چاکیواڑہ سے گرفتار کیا گیا۔
پولیس نے دعویٰ کیا کہ 2 ملزمان کو مبینہ مقابلے کے بعد گرفتار کیا گیا جب کہ گرفتار ملزمان لیاری گینگ وار کے کارندے ہیں۔
پولیس نے کہا کہ گرفتار کیے گئے ملزمان شہر میں بھتہ خوری کی درجنوں وارداتوں میں ملوث ہیں۔
یاد رہے کہ چند روز قبل بھی لیاری کے علاقے چاکیواڑہ میں پولیس اور گینگ وار ملزمان کے درمیان فائرنگ کے تبادلے میں دوملزمان کو زخمی حالت میں گرفتارکیا تھا۔
لائیو ٹی وی