برطانوی ہائی کمشنر کا دورہ آزادکشمیر، بھارت کا احتجاج
سینئر برطانوی ہائی کمشنر کے آزاد کشمیر کے دورے پر بھارت نے احتجاج کرتے ہوئے اسے اپنی خود مختاری اور علاقائی سالمیت کی خلاف ورزی قرار دے دیا۔
غیر ملکی خبر رساں اداروں کی رپورٹ کے مطابق پاکستان میں برطانوی ہائی کمشنر جین میریٹ نے 10 جنوری کو برطانیہ کے دفتر خارجہ کے ایک اہلکار کے ساتھ آزاد کشمیر کا دورہ کیا۔
بھارت کے سکریٹری خارجہ ونے کواترا نے بھارت میں برطانوی ہائی کمشنر کو اس دورے پر سخت ردعمل دیتے ہوئے اپنا احتجاج ریکارڈ کرواتے ہوئے دورے کو ’ناقابل قبول‘ قرار دیا۔
برطانوی دفتر خارجہ کے ترجمان نے آزاد کشمیر کے دورے کی تصدیق کرتے ہوئے بتایا کہ جین میریٹ میرپور آزاد کشمیر میں پاکستانی نژاد برطانوی شہریوں سے ملیں اور انہوں نے بچوں کے ساتھ فٹبال میچ بھی کھیلا اور ایک بیکری کا بھی دورہ کیا۔
برطانوی سفارت کار کی جانب سے یہ دورہ ایسے وقت میں ہوا ہے جب بھارت اور پاکستان میں رواں سال انتخابات کی سرگرمیاں عروج پر ہیں۔
لائیو ٹی وی