سپریم کورٹ سے امید ہے، ہم نے بہترین انٹرا پارٹی الیکشن کرائے، بیرسٹر گوہر
پاکستان تحریک انصاف (پی ٹی آئی) کے سابق چیئرمین بیرسٹر گوہر نے کہا ہے کہ الیکشن شفاف نہ ہوئے تو ان کو کوئی نہیں مانے گا۔
ڈان نیوز کے مطابق اسلام آباد میں میڈیا سے گفتگو کرتے ہوئے ان کا کہنا تھا کہ جمہوریت کا تقاضا ہے ہر سیاسی جماعت کا انتخابی نشان ہو، ہمیں سپریم کورٹ سے امید ہے، ہم نے بہترین انٹرا پارٹی الیکشن کرائے تھے۔
انہوں نے کہا کہ الیکشن شفاف نہ ہوئے تو انتخابات کو کوئی نہیں مانےگا، الیکشن کمیشن کو شفاف انتخابات کے لیے احکامات دیےجائیں۔
بیرسٹر گوہر کا کہنا تھا کہ امید ہےسپریم کورٹ جمہوریت کو بچائےگی،الیکشن کمیشن نے کبھی اس طرح سیاسی جماعت سے انتخابی نشان نہیں لیا، بدترین حالات میں انٹراپارٹی الیکشن کرائےتھے، امید ہے عدالت ہمارے انتخابی نشان کوبحال رکھےگی۔
انہوں نے کہا کہ ہمیں عدلیہ سے ریلیف بھی ملا ہے، جتنے شفاف انٹراپارٹی الیکشن ہم نے کرائے کسی نے نہیں کرائے۔
بیرسٹر گوہر نے سپریم کورٹ کے ججوں کے استعفوں سے متعلق اظہار خیال کرتے ہوئے کہا کہ جسٹس اعجاز الاحسن اور جسٹس مظاہر نقوی کے استعفوں پر افسوس ہوا، یہ تمام کوششیں کررہے ہیں اور آؤٹ آف کریز بھی جارہے ہیں۔
لائیو ٹی وی