راولپنڈی: پنجاب فوڈ اتھارٹی کی کارروائیاں، 8 ہزار لیٹر ملاوٹی دودھ تلف
راولپنڈی میں ملاوٹی دودھ سپلائی کرنے والوں کے خلاف پنجاب فوڈ اتھارٹی نے کارروائیاں کرتے ہوئے 8 ہزار لیٹر ملاوٹی دودھ تلف کر دیا۔
ڈان نیوز کے مطابق ڈی جی پنجاب فوڈ اتھارٹی نے بتایا کہ راولپنڈی میں ایک لاکھ 2 ہزار لیٹر دودھ کو چیک کیا گیا جبکہ 8 ہزار ملاوٹ شدہ دودھ کو تلف کر دیا گیا۔
ڈی جی فوڈ اتھارٹی نے مزید کہا کہ اسلام آباد موٹروے ٹول پلازہ پر ناکے لگا کر37 دودھ بردار گاڑیوں کی چیکنگ کی گئی۔
مزید کہنا تھا کہ جعل سازی پر ایک سپلائر کو 50 ہزار کے جرمانے کیے گئے۔
پنجاب فوڈ اتھارٹی نے بتایا کہ ملاوٹ سے پاک دودھ کی فراہمی کے لیے کارروائیوں کا سلسلہ جاری ہے، شہری کسی بھی شکایت کی صورت میں ہیلپ لائن 1223 پر رابطہ کریں۔
لائیو ٹی وی