اسٹاک ایکسیچنج میں مندی کا رجحان
پاکستان اسٹاک ایکسچینج کے بینچ مارک کے ایس ای-100 انڈیکس میں آج ابتدائی ٹریڈنگ کے دوران 281 پوائنٹس کی کمی دیکھی گئی۔
پی ایس ایکس ویب سائٹ کے مطابق تقریباً 11 بج کر 13 منٹ پر کے ایس ای-100 انڈیکس 281 پوائنٹس یا 0.44 فیصد تنزلی کے بعد 64 ہزار 365 پر آگیا، جو گزشتہ روز 64 ہزار 646 پوائنٹس پر بند ہوا تھا۔
واضح رہے کہ گزشتہ روز بینچ مارک کے ایس ای-100 انڈیکس 297 پوائنٹس بڑھ گیا تھا۔
خیال رہے کہ گزشتہ برس 2023 پاکستان اسٹاک ایکسچینج کے لیے اچھا سال ثابت ہوا، جس کے آغاز کے ساتھ اختتام بھی مثبت رجحان پر ختم ہوا تھا۔
2 جنوری 2023 بروز پیر کے ایس ای-100 انڈیکس 40 ہزار 420 پوائنٹس پر تھا، جو کاروبار کے اختتام تک 395.45 پوائنٹس اضافے کے بعد 40 ہزار 815 پر پہنچ گیا تھا۔
سال 2023 کے آخری کاروباری روز انڈیکس 62 ہزار 451 کی سطح پر بند ہوا تھا، اس طرح گزشتہ برس بینچ مارک کے ایس ای-100 انڈیکس میں 22 ہزار 31 پوائنٹس یا 54.50 فیصد اضافہ ہوا تھا۔
جبکہ سال 2022 پاکستان اسٹاک ایکسچینج کے لیے دباؤ سے بھرپورسال ثابت ہوا تھا، بینچ مارک کے ایس ای-100 انڈیکس میں 2021 کے مقابلے میں 9.4 فیصد کمی کے بعد 40 ہزار 420 پوائنٹس کے ساتھ اختتام پذیر ہوگیا تھا۔
لائیو ٹی وی