76 سال گزرنے کے باوجود نظام عدل ٹھیک نہیں کر سکے، طاہر اشرفی
وزیراعظم کے نمائندہ خصوصی مولانا طاہر اشرفی نے کہا کہ 76 سال گزرنے کے باوجود بھی اہم اپنا نظام عدل ٹھیک نہیں کر سکے۔
لاہور پریس کلب میں منعقدہ سیرت سیدناصدیق اکبر رضی اللہ عنہ سیمنار سے خطاب کرتے ہوئے انہوں نے کہا کہ نظام خلافت راشدہ کا پہلا اصول نظام انصاف ہے، نظام خلافت راشدہ نافذ ہونا چاہئیے، ملک میں نظام عدل کو آزاد و انصاف والا ہونا چاہیے۔
طاہر اشرفی نے کہا کہ زکوتہ کو روکنے کی بات ہوئی تو صدیق اکبر رضی اللہ عنہ نے جہاد کااعلان کردیا، اگر ملک میں سب زکوتہ دینا شروع کردیں تو کوئی بھوکا نہ سوئے۔
ان کا کہنا تھا کہ عمر فاروق رضی اللہ عنہ کے دور میں زکوتہ دینے والے تھے لینے والا کوئی نہیں تھا، پاکستان میں 76 سال کے باوجوداپنا نظام عدل ٹھیک نہ کر سکے۔
مولانا طاہر محمود اشرفی نے کہا کہ طلاق اور خلع میں اضافہ تشویشناک ہے، فیک نیوز اور افواہ سازی سے گھر تباہ ہورہے ہیں، 9 مئی کے واقعات میں ملوث ملزمان کو سزا ملنی چاہیے۔
انہوں نے کہا کہ مظلوم فلسطینیوں کی حمایت میں سال نو کی تقریبات پرپابندی لگائی گئی، مظلوم فلسطینیوں کے لیے امدادی سامان بھجوایا گیا۔
لائیو ٹی وی