لکس اسٹائل ایوارڈز: یمنیٰ زیدی بہترین اداکارہ، بلال عباس خان اور ارسلان نصیر بہترین اداکار قرار

انٹرٹینمنٹ ڈیسک شائع October 7, 2023

پاکستان کے معروف ترین ’لکس اسٹائل ایوارڈز‘ کی 22 ویں سالانہ تقریب ایکسپو سینٹر کراچی میں منعقد ہوئی جہاں اداکارہ یمنیٰ زیدی بہترین اداکارہ جبکہ اداکار بلال عباس خان اور ارسلان نصیر بہترین اداکار قرار پائے۔

لکس اسٹائل ایوارڈز پاکستانی میڈیا انڈسٹری کا سب سے بڑا ایونٹ ہے جو 2001 کے بعد سے ہر سال منعقد ہوتا ہے، اس ایونٹ میں آرٹ، ثقافت، پاکستانی فیشن، فلموں اور ٹی وی کو فروغ دینے کے لیے منعقد کیا جاتا ہے۔

22ویں لکس ایوارڈز کی رنگا رنگ تقریب 6 اکتوبر کو منعقد ہوئی جس میں پاکستانی فیشن، ٹی وی اور موسیقی کے شعبوں سے تعلق رکھنے والے افراد کو اعزازات سے نوازا گیا۔

ایوارڈز کی تقریب کی میزبانی کے فرائض احمد علی بٹ، فہد مصطفیٰ، صبا قمر نے سرانجام دیے۔

90 کی دہائی کی مقبول فنکارہ کو ینگسٹ لائف ٹائم اچیومنٹ ایوارڈ فلمسار ریما خان کو دیا گیا، مرینہ خان نے لکس چینج میکر ایوارڈ کا ایوارڈ اپنے نام کیا۔

تقریب کے دوران مایا علی اور فرحان سعید نے ایک ساتھ گانے پر پرفارم کیا

View this post on Instagram

اس دوران یمنیٰ زیدی نے نیا ریکارڈ قائم کرتے ہوئے لکس اسٹائل ایوارڈ کے سب سے زیادہ ایوارڈ لینے والی اداکارہ بن گئی ہیں۔

قبل ازیں 2021 کے لکس اسٹائل ایوارڈز میں یمنیٰ زیدی نے 2 ایوارڈ اپنے نام کیے تھے۔

اس سال بھی بہترین ٹی وی اداکارہ کا ایوارڈ (کریٹکس اینڈ ویوورز چوائس) یمنیٰ زیدی کو ملا ہے جبکہ بہترین اداکار (کرٹکس) کا ایوارڈ بلال عباس اور بہترین اداکار (ویوورز چوائس) کا ایوارڈ ارسلان نصیر نے جیتا۔

یمنیٰ نے اپنے کریئر میں ملنے والے 4 ایوارڈ کے ساتھ تصویر شئیر کرتے ہوئے مداحوں کی محبت کا شکریہ ادا کیا اور لکھا کہ ’مضبوط بنیں، نڈر بنیں، خوبصورت رہیں، اور ”بختاور“ بنیں تو منزل آسان ہوجائے گی، گزشتہ رات ’بختاور‘ کے لیے دو بار ایوارڈ سے نوازا گیا اس لیے لکس اسٹائل اور مداحوں کا بہت شکریہ‘۔

دوسری جانب اگر فلم کی بات کریں تو بہترین فلمی اداکارہ صبا قمر اور بہترین فلمی اداکار فیروز خان قرار پائے، اگرچہ فیروز خان نے تقریب میں شرکت نہیں کی، ان کا ایوارڈ لینے اداکار عمران اشرف نے اسٹیج پر پہنچے تھے۔

لکس اسٹائل ایوارڈز 2023 میں مختلف کیٹیگریز کے فاتحین کی فہرست کچھ یوں ہے۔