فتنے نے نہ صرف ملک کی سالمیت بلکہ معاشرتی اقدار پر حملہ کیا ہے، مریم نواز
مسلم لیگ (ن) کی سینئر نائب صدر اور چیف آرگنائزر مریم نواز نے سابق وزیراعظم عمران خان پر تنقید کرتےہوئے کہا کہ اس وقت ملک ایسے فتنے کی ذد میں ہے، جس کو پاکستان کی تباہی کے لیے لانچ کیا گیا ہے۔
ان کا کہنا تھا کہ اس نے نہ صرف ملک اور ملک کی سالمیت پر حملہ کیا بلکہ ہمارے معاشرے اور معاشرتی اقدار پر حملہ کیا، یہ کام کوئی دشمن بھی نہیں کرسکتا ہے۔
مریم نواز نے کہا کہ ہمارے پاس پچھلے کئی برسوں میں ایسے کئی واقعات ہوئے ہیں، جس میں فارن فنڈنگ سے شروع کریں، ایسے دشمن ممالک سے اس فنتے کو فنڈنگ ہوئی، سہولت کاری میسر کی گئی اور اس کی جڑوں کو مضبوط کیا گیا ہے، یہ اپنے آپ نہیں ہوا بلکہ یہ پاکستان کے خلاف بہت بڑی سازش ہے، جس کا نام عمران خان ہے۔
لائیو ٹی وی