منصوبہ بنایا گیا فوج کے ذریعے تحریک انصاف کو ختم کیا جائے، عمران خان
پی ٹی آئی چیئرمین عمران خان نے کہا ہے کہ ان واقعات کی تحقیقات بہت ضروری ہیں کیونکہ اس سازش میں یہ چیز بھی آئے گی کہ منصوبہ بنایا گیا ہے تحریک انصاف کو فوج کے سامنے کھڑا کیا جائے اور فوج کے ذریعے تحریک انصاف کو ختم کیا جائے۔
ان کا کہنا تھا کہ یہ منصوبہ بنایا گیا ہے، یہ ملک کے خطرناک ہے، اس کے پیچھے پی ڈی ایم ہے، یہی 1971 میں ہوا تھا، جو انتخابات جیت گیا تھا اور جو وزیراعظم تھا، جس کو وزیراعظم بننا چاہیے تھا، ایک سیاست دان نے فوج کے ساتھ مل کر سازش کی اور اس کو وزیراعظم بنانے کے بجائے اس کے خلاف فوجی آپریشن کروایا اور ملک ٹوٹ گیا۔
انہوں نے کہا کہ یہ وہی منصوبہ بن رہا ہے، انتخابات میں مقابلہ نہیں کرسکتے، 37 میں سے 30 ضمنی انتخابات ہار چکے ہیں، اب ان کو نظر آرہا ہے کسی نہ کسی طرح فوج کے سامنے کھڑا کرو۔
لائیو ٹی وی