کورکمانڈر کا گھر کس نے جلایا ان کی شکلیں تو دکھا دیں، عمران خان
پی ٹی آئی چیئرمین عمران خان نے کہا کہ لاہور کا کور کمانڈر ہاؤس یہاں سے 3، 4 میل دور ہے، لوگ لبرٹی سے چل رہے ہوں اور کور کمانڈر کے گھر پہنچیں راستہ خالی پڑا ہو۔
ان کہنا تھا کہ کور کمانڈر اتنی بڑی پوزیشن ہوتی ہے، اس کو کوئی بچانے والا نہیں آیا، سی سی ٹی وی کمیرے کہاں ہیں، پتا تو چلے وہ کون سی شکلیں تھیں جنہوں نے جلایا، اب تک تو سب کچھ سامنے آنا چاہیے تھا۔
انہوں نے کہا کہ ٹی وی پر پروپیگنڈا دکھایا جا رہا ہے کم از کم وہ شکلیں تو دکھا دیں کہ کور کمانڈر کا گھر کن لوگوں نے جلایا، کون تھا جس نے اندر بھیجا۔
عمران خان نے کہا کہ وہی لوگ تھے جنہوں نے میانوالی میں جہاز چوک پر جب وہاں پرامن احتجاج کر رہے تھے تو کہا کہ یہ جہاز جلائیں، وہاں سے رپورٹس ہیں وہ آکر ان کو کہہ رہے تھے کہ یہ کرنا ہے، پشاور سے بھی اسی طرح کی رپورٹس ہیں۔
لائیو ٹی وی