عمران خان آئندہ ہفتے راولپنڈی پہنچیں گے، شیخ رشید
سابق وزیر داخلہ اور عوامی مسلم لیگ کے سربراہ شیخ رشید نے کہا ہے کہ پی ٹی آئی چیئرمین عمران خان 25 نومبر سے پہلے راولپنڈی پہنچ جائیں گے۔
راولپنڈی لال حویلی میں پریس کانفرنس کرتے ہوئے انہوں نے کہا کہ وہ سابق وزیراعظم کے ساتھ چٹان کی طرح ڈٹ کر کھڑے ہیں، ان پر ابھی امتحان کا وقت ہے جس میں انہیں نہیں چھوڑ سکتے، عمران کل لانگ مارچ کی تاریخ کا اعلان کریں گے اور آئندہ جمعے تک یہاں پہنچ جائیں گے۔
سابق وزیر داخلہ نے موجودہ حکومت پر تنقید کرتے ہوئے کہا کہ اتحادی حکومت ملک چلانے میں ناکام ہو چکی، یہ حکمران پاکستان کو ڈیفالٹ کی جانب دھکیل رہی ہے۔
لائیو ٹی وی