وزیر اعظم شہباز شریف لندن میں سزا یافتہ مجرم سے ملنے گئے، عمران خان
سابق وزیراعظم اور پاکستان تحریک انصاف (پی ٹی آئی) کے چیئرمین عمران خان نے کہا ہے کہ ساری قوم کو سمجھنا ہے کہ قوم کے ساتھ ہو کیا رہا ہے، پاکستان سے چوری کیے ہوئے پیسے سے لیے گئے گھر کے اندر وزیراعظم لندن جاتا ہے، پاکستان کا سزا یافتہ مجرم جو جھوٹ بول کر ملک سے بھاگا تھا کہ وہ علاج کروانے جا رہا ہے، یہ اس کو ملنے جاتا ہے۔
گجرات میں جی ٹی ایس روڈ پر لانگ مارچ کے شرکا سے ویڈیو لنک کے ذریعے خطاب کرتے ہوئے کہا کہ ہمارے ملک کے حالات کیوں ایسے ہیں کہ بھکاریوں کی طرح دنیا سے بھیک مانگتے پھرتے ہیں۔
ان کا مزید کہنا تھا کہ یہی نواز شریف مشرف کے دور میں اس ملک سے جھوٹ کر گیا تھا کہ میں نے کوئی معاہدہ نہیں کیا تھا جبکہ 8 سال کے بعد سعودی عرب کے شہزادے نے معاہدہ دکھایا، ان کو این آر و ملا تھا۔
لائیو ٹی وی