انسٹاگرام میں فالوونگ اور فیورٹس کرونولوجیکل فیڈ فیچرز متعارف
انسٹاگرام میں اس فیچر کی دوبارہ واپسی ہوئی ہے جس کی خواہش متعدد صارفین کو تھی۔
کرونولوجیکل یا ترتیب وار پوسٹس کا فیچر ایک بار پھر انسٹاگرام میں واپس آیا ہے اگر آپ استعمال کرنا چاہے تو۔
میٹا کی زیرملکیت فوٹو شیئرنگ ایپ نے نیوز فیڈ میں اسکرولنگ کے 2 طریقے متعارف کرائے ہیں فالوونگ اور فیورٹس۔
فالوونگ کو ان ایبل کرنے پر صارفین اپنے تمام فالووڈ اکاؤنٹس کی پوسٹس دیکھ سکیں گے یا ریورس کرونولوجیکل آرڈر میں ایسا ممکن ہوگا۔
یہ نئے فیچر اسٹینڈرڈ ہوم ایکسپرینس سے ہٹ کر ہوں گے اور صارفین آسان سے ہوم، فالوونگ یا فیورٹ فیڈ اسٹائلز پر سوئچ کرسکیں گے۔
فالوونگ کو سلیکٹ کرنے پر صارفین ہر اس فرد کی پوسٹس دیکھ سکیں گے جس کو وہ فالو رکرہے ہوں گے اور فیڈ کا آغاز تازہ ترین پوسٹ سے ہوگا۔
فیورٹ فیچر کو ان ایبل کرنے پر بھی کرونولوجیکل آرڈر کام کرے گا مگر فیڈ آپ کے منتخب کردہ زیادہ سے زیادہ 50 اکاؤنٹس تک محدود ہوگی مگر اسے کسی بھی وقت اپ ڈیٹ کیا جاسکتا ہے۔
فیورٹ لسٹ کی پوسٹس ہمیشہ ایک اسٹار آئیکون کے ساتھ ڈسپلے ہوں گی اور ہوم فیڈ پر اوپر نظر آئیں گی۔
اس وقت انسٹاگرام پر نیوزفیڈ کے لیے الگورتھمز پر مبنی مواد ڈسپلے کیاجاتا ہے اور یہ الگورتھم اس کا تعین اس پر کرتے ہیں کہ آپ کیا زیادہ دیکھنا چاہتے ہیں، یہ اب بھی بائی ڈیفالٹ ہوگا۔
مگر آپ مختلف طریقہ استعمال کرنا چاہتے ہیں تو نئے فیچرز آپ کے لیے ہی متعارف کرائے گئے ہیں۔
لائیو ٹی وی