ویوو کا 50 میگا پکسل مین کیمرے سے لیس فون وائے 74 ایس
ویوو نے ایک نیا اسمارٹ فون وائے 74 ایس متعارف کرا دیا ہے جو بنیادی طور پر کچھ عرصے پہلے پیش کیا گیا وائے 76 ایس ہی ہے۔
دونوں فونز کا صرف ڈیزائن ہی ایک نہیں بلکہ فیچرز بھی ایک جیسے ہیں۔
یہ 5 جی فون ہے جس کی وجہ اس میں موجود میڈیا ٹیک کا ڈیمینسٹی 810 پراسیسر ہے۔
وائے 74 ایس میں 8 جی بی ایل پی ڈی ڈی آر 4 ایکس ریم اور 256 جی بی یو ایف ایس 2.2 اسٹوریج موجود ہے جس میں ایس ڈی کارڈ سے ایک ٹی بی تک اضافہ کیا جاسکتا ہے۔
ویوو کا یہ فون 6.58 انچ کا ایل سی ڈی ڈسپلے سے لیس ہے جس میں ریفریش ریٹ تو 60 ہرٹز ہی ہے مگر ٹچ سیمپلنگ ریٹ 180 ہرٹز ہے۔
اسکرین پر 8 میگا پکسل سیلفی کیمرا واٹر ڈراپ نوچ میں دیا گیا ہے جبکہ اینڈرائیڈ 11 آپریٹنگ سسٹم کا امتزاج اوریجن او ایس 1.0 سے کیا گیا ہے۔
فون کی ایک خاص بات 4100 ایم اے ایچ بیٹری ہے جس کے ساتھ 44 واٹ فاسٹ چارجنگ سپورٹ دی گئی ہے۔
دیگر فیچرز میں ڈوئل سم سپورٹ، ہیڈ فون جیک اور فنگرپرنٹ اسکینر قابل ذکر ہیں۔
فون کے بیک پر ڈوئل کیمرا سیٹ اپ موجود ہے۔
فون کا مین کیمرا 50 میگا پکسل کا ہے جس کے ساتھ 2 میگا پکسل میکرو کیمرا دیا گیا ہے۔
وائے 74 ایس کو سب سے پہلے چین میں فروخت کے لیے پیش کیا جارہا ہے جس کی قیمت 2300 یوآن (63 ہزار پاکستانی روپے سے زائد) رکھی گئی ہے۔
لائیو ٹی وی