گلگت بلتستان حکومت کورونا ویکسینیشن کا اپنا ہدف حاصل کرنے میں ناکام
گلگت بلتستان کی حکومت ستمبر تک 100 فیصد کورونا ویکسینیشن کا مقرر کیا ہوا اپنا ہدف بھی حاصل نہ کر سکی۔
وزیر اعلیٰ خالد خورشید نے دو ماہ قبل آگاہ کیا تھا کہ حکومت نے اگست اور ستمبر کے پہلے ہفتے تک گلگت بلتستان میں کورونا ویکسینیشن مکمل کرنے کا ہدف مقرر کیا ہے۔
صوبائی حکومت نے اب تک صرف 56 فیصد آبادی کو ہی کورونا ویکسین لگا دی ہے۔
سرکاری اعداد و شمار کے مطابق ہنزہ واحد ضلع ہے جہاں ویکسینیشن کی شرح 100 ہے جو کہ ملک میں ایک ریکارڈ ہے اور اعداد وشمار کے مطابق 17 سال سے زائد عمر کے افراد کی ویکسینیشن مکمل کر لی گئی ہے۔
حکومتی بیان کے مطابق دوسرے نمبر پر ضلع غذر ہے جہاں ویکسینیشن کی شرح 80 فیصد ہے جبکہ دیامر 23 فیصد ویکسینیشن کے ساتھ آخری نمبر پر موجود ہے۔
محکمہ صحت کے مطابق گلگت بلتستان میں 17 سال سے زائد عمر کے 8 لاکھ 15 ہزار 211 افراد جو ویکسین لگادی گئی ہے۔
لائیو ٹی وی