اب تک 5 کروڑ پاکستانیوں کو ویکسین کی پہلی خوراک لگا ئی جا چکی ہے، اسد عمر
فاقی وزیر منصوبہ بندی اور نیشنل کمانڈ اینڈ آپریشن سنٹر کے سربراہ اسد عمر نے کہا ہے کہ ملک بھر میں کورونا ویکسینیشن کی مہم تیزی سے جاری ہے، دسمبر 2021 تک 7 کروڑ افراد کو ویکسین لگانے کا ہدف مقرر کیا ہے جو مقرہ وقت پر حاصل کر لیا جائے گا۔
اپنے ٹوئٹ میں انہوں نے کہا کہ ویکسینیشن مہم کے ابتدائی دنوں سے رواں سال کے اختتام تک 7 کروڑ افراد کو ویکسین لگانے کامشکل ہدف مقرر کیا گیا ہے۔
انہوں نے کہا کہ مجھے انتہائی خوشی محسوس ہو رہی ہے کہ 5 کروڑ پاکستانیوں کو ویکسین کی پہلی خوراک لگا ئی جا چکی ہے جبکہ 2 کروڑ سے زائد لوگوں کو مکمل ویکسین بھی لگ چکی ہے اور انشا اللہ ہم اس ہدف کو پورا کریں گے۔
وفاقی وزیر نے ایک مرتبہ پھر عوام الناس سے اپیل کی کہ وہ کورونا ایس او پیز پر عملدرآمد کریں اور کورونا ویکسین لگوائیں ساتھ ہی اپنے ارد گرد کے لوگوں کو بھی ویکسین لگوانے کی ترغیب دیں۔
لائیو ٹی وی