میوزک بینڈ ایکسنٹ کے گلوکار نے 'پاکستانی کرتا' پہن کر مداحوں کو حیران کردیا
رومانیہ کے الیکٹرو-پاپ بینڈ ایکسنٹ اور گلوکار ایڈرین سینا یوں تو اپنی موسیقی سے پاکستانی مداحوں میں بہت زیادہ مقبول ہیں۔
اور اب ایکسنٹ کے گلوکار ایڈرین سینا نے یورپ میں منعقد ہونے والے یوٹیوب میوزک فیسٹیول میں پاکستانی کرتا پہن کر مداحوں کو حیران کرنے کے ساتھ ساتھ ان کے دل بھی جیت لیے۔
ایکسنٹ بینڈ کے آفیشل فیس بک اکاؤنٹ پر جاری پوسٹ میں گلوکار نے تصدیق کی کہ ان کا کرتا پاکستانی ہے۔
اپنی پوسٹ میں گلوکار نے لکھا کہ یورپ میں منعقدہ یوٹیوب میوزک ایونٹ میں انہوں نے پاکستانی کرتا پہن کر نیا ٹرینڈ سیٹ کیا ہے۔
فیس بک اکاؤنٹ پر جاری پوسٹ میں گلوکار کو سیاہ رنگ کا کرتا پہنے ہوئے دیکھا جاسکتا ہے۔
ایکسنٹ بینڈ کے گلوکار کی اس پوسٹ پر مداحوں نے ان کے پاکستانی کُرتا پہنے پر خوشی کا اظہار کیا اور مختلف تبصرے بھی کیے۔
خیال رہے کہ یہ پہلی مرتبہ نہیں کہ رومانیہ کے گلوکار نے پاکستانی ثقافت سے محبت کا اظہار کیا ہو۔
اس سے قبل ایک انسٹاگرام سیشن میں ایک سوال کے جواب میں انہوں نے کہا تھا کہ وہ اداکارہ عائشہ عمر کے ساتھ کام کرنے کے خواہشمند ہیں۔
لائیو ٹی وی