گلگت بلتستان میں کورونا پھیلنے کی شرح ایک فیصد پر آگئی ہے، وزیر اعلیٰ
وزیر اعلیٰ گلگت بلتستان خالد خورشید کا کہنا ہے کہ گلگت بلتستان میں کورونا وائرس پھیلنے کی شرح 7 فیصد سے کم ہو کر ایک فیصد پر آگئی ہے۔
وزیر اعظم سے ویڈیو لنک میٹنگ میں وزیر اعلیٰ نے کورونا کے پھیلاؤ کو روکنے میں علما کے کردار کو سراہا اور کہا کہ تمام ڈپٹی کمشنرز کو ہدایت کی گئی ہے کہ وہ علما کے ذریعے جمعہ کے اجتماعات میں کورونا قواعد و ضوابط پر عملدرآمد اور حفاظتی انتظامات کے لیے رابطے قائم کریں۔
خالد خورشید نے کورونا مریضوں کے لیے کیے جانے والے اقدامات کے بارے میں کہا کہ صوبے میں 219 بستر مریضوں کے لیے مختص کیے گئے ہیں، جبکہ اب مختلف ہسپتالوں میں صرف 10 مریض زیر علاج ہیں۔
لائیو ٹی وی