اوپو کا رول ایبل کانسیپٹ اسمارٹ فون متعارف
اوپو اسمارٹ فونز کے ڈیزائن میں نت نئے تجربات کے لیے مشہور کمپنی ہے۔
2013 میں اوپو این 1 میں روٹیٹنگ کیمرا دیا گیا تھا جبکہ 2018 کے اوپو فائنڈ ایکس میں نوچ کی جگہ سلائیڈ آؤٹ کیمرا دیا گیا۔
اب اس چینی کمپنی ایک اور منفرد ڈیزائن والے اسمارٹ فون کو پیش کیا ہے۔
اس مققصد کے لیے اس نے رول ایبل کانسیپٹ اسمارٹ فون اوپو ایکس 2021 پیش کیا ہے۔
یہ کانسیپٹ اسمارٹ فون 6.4 انچ سے 7.4 انچ تک پھیل سکتا ہے جبکہ کسی ویڈیو کو کھولنے پر اسکرین خودکار طور پر ایسپکٹ ریشو کو ایڈجسٹ کرلیتا ہے۔
ڈسپلے کے اندر موجود ڈوئل رولنگ موٹرز کی بدولت اوپو نے زیرو کریز اسکرین کے حصول میں کامیابی حاصل کی، یہ وہ مسئلہ ہے جو ابھی بیشتر فولڈایبل فون بنانے والی کمپنیوں کے لیے دردسر بنا ہوا ہے۔
اوپو ایکس 2021 میں ایک ڈائنامک فریم موجود ہے، جس میں ایک لچکدار فریم ہے جو اسکرین کو اوپر حرکت کرنے میں مدد دیتا ہے۔
کمپنی کی جانب سے اس فون کو فروخت کے لیے پیش کرنے کے بارے میں کچھ نہیں بتایا گیا۔
ممکنہ طور پر اس شکل میں یہ فون متعارف ہوگا بھی نہیں بلکہ اس ٹیکنالوجی کو مستقبل کے فونز کے لیے استعمال کیا جائے گا۔
تاہم اس حوالے سے کوئی واضح فیصلہ کمپنی کے باضابطہ اعلان سے ہی ہوسکے گا۔
لائیو ٹی وی