ایران کورونا وائرس کے دوران معیشت کو بند کرنے کا متحمل نہیں ہوسکتا، حسن روحانی
ایران نے کہا ہے کہ وہ کورونا وائرس کے دوران معیشت کو بند کرنے کا متحمل نہیں ہوسکتا ہے۔
واضح رہے کہ مشرق وسطی کے دیگر ممالک کے مقابلے میں ایران میں تیزی سے کورونا وائرس پھیل رہا ہے اور ایران میں ہلاکتوں کی تعداد بہت زیادہ ہے۔
ایران کے صدر حسن روحانی نے 'ٹاسک فورس' کے اجلاس کے دوران کہا کہ ایران کو صحت سے متعلق ایس او پیز پر عملدرآمد کرتے ہوئے اپنی معاشی، معاشرتی اور ثقافتی سرگرمیاں جاری رکھنی چاہیے۔
انہوں نے مزید کہا کہ سب سے آسان حل یہ ہے کہ تمام سرگرمیاں بند کردیں لیکن اگلے دن لوگ انتشار، بھوک، مشقت اور دباؤ کے خلاف احتجاج کرنے نکل آئیں گے۔
خیال رہے کہ ایران فروری کے آخر سے ملک میں کووڈ کو روکنے کی جدوجہد کررہا ہے جہیاں 12 ہزار سے زائد افراد جاں بحق اور 2 لاکھ 52 ہزار سے زائد افراد وائرس سے متاثر ہوچکے ہیں۔
لائیو ٹی وی