صحافی اے ٹی نظامی کا کورونا وائرس کے باعث انتقال
معروف صحافی ابو طالب نظامی جو اے ٹی نظامی کے نام سے جانے جاتے تھے کورونا وائرس کے باعث انتقال کرگئے۔
ڈان اخبار کی رپورٹ کے مطابق 88 سالہ صحافی کے انتقال سے متعلق ان کے اہلخانہ اور دوستوں نے بتایا۔
ان کی بیوہ نزہت نظامی نے بتایا کہ چند روز قبل ان کا کورونا وائرس کا ٹیسٹ مثبت آیا تھا تو وہ گھر میں خود ساختہ آئسولیشن میں چلے لیکن ان کی طبیعت بگڑنے کے بعد وہ 25 جون کو انتقال کرگئے۔
اے ٹی نظامی کی تدفین طارق روڈ قبرستان میں ہوئی۔
انہوں نے کئی اخبارات میں سینئر عہدوں پر کام کیا تھا اور وہ ڈان میڈیا گروپ کے ڈیلی حریت کے سٹی ایڈیٹر بھی رہے۔
ریٹائرمنٹ کے بعد وہ سرسید یونیورسٹی آف انجینئرنگ اینڈ ٹیکنالوجی کے انتظامی امور دیکھ رہے تھے۔
لائیو ٹی وی