احساس ایمرجنسی کیش پروگرام میں سندھ کاحصہ 22.45 فیصد سے بڑھا کر 31 فیصد کردیا گیا
کورونا وائرس سے پیدا ہونے والے بحران میں غربا کی مدد کے لیے بنائے گئے احساس ایمرجنسی کیش پروگرام میں سندھ کا حصہ 22.45 فیصد سے بڑھا کر 31 فیصد کردیا گیا۔
اس بات کا اعلان وزیراعظم کی معاون خصوصی برائے غربت کا خاتمہ ڈاکٹر ثانیہ نشتر نے ٹوئٹر پیغام میں کیا۔
پیغام میں انہوں نے کہا کہ وزیر اعظم کوروناریلیف فنڈ کے تحت موصول شدہ درخواستوں کے تناسب سے احساس ایمرجنسی کیش پروگرام میں سندھ کا حصہ 22.45 فیصد سے بڑھا کر 31 فیصد کردیا گیا ہے۔
ان کا مزید کہنا تھا کہ سیاست سے بالاتر اس حکومتی اقدام سے سندھ کے لیے اب 60 ارب روپے مختص کیے گئے ہیں جس سےصوبےب ھر میں 50 لاکھ سے زائد مستحق خاندان احساس امداد حاصل کر سکیں گے۔
لائیو ٹی وی