پشاور کے بڑے ہسپتالوں میں کورونا وائرس کے مریضوں کے لیے بستر کی کمی
پشاور کے انتہائی نگہداشت مریضوں کے لیے حیات اباد میڈیکل کمپلکس کے آئی سی یو سمیت تمام آئسولیشن وارڈز میں جگہ ختم ہوگئی
ینگ ڈاکٹرز ایسوسی ایشن کے ترجمان کا کہنا ہے کہ ایچ ایم سی میں آئی سی یو سمیت128 بستر ہیں، جن پر مریض زیر علاج ہیں جبکہ مزید مریضوں کے لیے گنجائش نہیں ہے۔
ان کا کہنا تھا کہ لیڈی ریڈنگ کے کورونا آئی سی یو کے 25 میں سے 22پر مریض زیر علاج ہیں اور صرف تین بستر خالی ہیں۔
اس کے علاوہ انہوں نے بتایا کہ خیبر ٹیچنگ ہسپتال کے آئی سی یو میں 25میں سے 12بستر پر مریض زیر علاج ہیں۔
انہوں نے کہا کہ کورونا مریضوں کی تعداد بڑھنے سے ہسپتالوں میں سہولیات کا فقدان ہے جبکہ ہسپتالوں میں وینٹیلرزاور آکسیجن کی بھی کمی ہے۔
لائیو ٹی وی