پشاور کے پرائیویٹ ایجوکیشن نیٹ ورک نے اسکولز کھولنے کا مطالبہ کردیا
پشاور کے پرائیویٹ ایجوکیشن نیٹ ورک نے حکومت خیبرپختونخوا سے مطالبہ کیا ہے کہ فوری طور پر ایس او پیز کے تحت نجی اسکولز کھولنے کے احکامات جاری کریں۔
پشاور میں پریس کانفرنس کرتے ہوئے نجی اسکولوں کی تنظیم کے صدر سلیم خان نے کہا کہ حکومت اسکولوں کے نہ کھولنے پر نجی تعلیمی اداروں کے لیے خصوصی گرانٹ کا اعلان کرے۔
ان کا کہنا تھا خصوصی گرانٹ کے تحت نجی اسکولوں کے طلبہ کی چار ماہ کی فیس ادا کی جائے۔
انہوں نے خبردار کیا کہ 15جون تک حکومت کی جانب سے گرانٹ نہ ملنے پر صوبے بھر میں احتجاج کا سلسلہ شروع کیا جائے گا اور احتجاج کے دوران اسکول فرنیچر کو تعلیمی ادارے کے باہر جلایا جائےگا۔
ساتھ ہی ان کا یہ بھی کہنا تھا کہ نجی اسکولز کے مالکان مطالبات نہ ماننے پر عدالت کا دروازہ بھی کھٹکھٹا سکتے ہیں۔
لائیو ٹی وی