حکومت سندھ کا بھی عیدالفطر کی 6 روزہ تعطیلات کا اعلان
حکومت سندھ نے بھی وفاق کی طرح 22 سے 27 مئی تک عیدالفطر کی 6 روزہ تعطیلات کا اعلان کردیا۔
محکمہ سروسز، جنرل ایڈمنسٹریشن اینڈ کوآرڈینیشن کی جانب سے نوٹی فکیشن کے مطابق صوبائی حکومت کی جانب سے عیدالفطر کے مذہبی تہوار کے لیے 22 سے 27 مئی (جمعہ سے بدھ) تک عام تعطیلات کا اعلان کیا جارہا ہے۔
نوٹی فکیشن میں کہا گیا کہ ان تعطیلات کا اطلاق تمام سرکاری و نیم سرکاری دفاتر، کارپوریشنز اور حکومت سندھ کے زیر انتظام مقامی کونسلز پر ہوگا جبکہ ضروری سروسز اور کورونا وائرس کی روک تھام سے منسلک محکمے اور دفاتر اس سے مستثنیٰ ہوں گے۔
لائیو ٹی وی