ٹرین کے کرایوں میں کوئی کمی نہیں کی جارہی ہے، شیخ رشید
وزیر ریلوے شیخ رشید نے کہا ہے کہ ٹرین کے کرایوں میں کمی نہیں ہوگی کیونکہ معاشرتی فاصلے برقرار رکھنے کے لیے ٹرینیں پہلے ہی صرف 60 فیصد سیٹس ٔر چلائی جارہی ہے۔
پشاور میں میڈیا سے گفتگو کرتے ہوئے شیخ رشید نے کہا کہ پاکستان ریلوے نے پہلے ہی برطانیہ اور بھارت سے زیادہ ٹرین کی صلاحیت کو کم کردیا ہے۔
انہوں نے بتایا کہ بھارت اور برطانیہ میں ٹرینیں 70 فیصد صلاحیت پر چلائی جارہی ہیں.
وزیر ریلوے نے کہا کہ وہ وزیر اعظم عمران خان کے مشکور ہیں کہ انہوں نے ٹرینوں کو اپنے آپریشنز کی اجازت دی۔
انہوں نے کہا کہ 'یہ بہت مشکل تھا، صوبے اس پر رضامند نہیں تھے لیکن میں غریبوں کو با آسانی آمد و رفت کا موقع فراہم کرنے پر وزیر اعظم کا مشکور ہوں'.
لائیو ٹی وی