سندھ حکومت کی وجہ سے ملک میں کورونا کےخلاف بروقت اقدامات شروع ہوئے، بلاول بھٹو زرداری
بلاول بھٹو زرداری سے سندھ کے وزیر اعلیٰ نے ملاقات کی جس میں سید مراد علی شاہ نے انہیں کورونا وائرس کے حوالے سے بریفنگ دی۔
ملاقات میں موجود وزیر صحت سندھ ڈاکٹر عذرا پیچوہو، ڈاکٹر باری اور ڈاکٹر فیصل نے بلاول بھٹو زرداری کو سندھ کے محکمہ صحت کے اقدامات سے آگاہ کیا۔
چیئرمین پیپلز پارٹی نے کہا کہ کورونا وائرس کی وبا ملک میں تشویش ناک صورتحال اختیار کرتی جارہی ہے اور اس کی وجہ سے اموات کی تعداد میں اضافہ حکومتوں کے لیے الارمنگ ہے۔
انہوں نے کہا کہ سندھ حکومت کی وجہ سے ملک بھر میں کورونا وائرس کے خلاف بروقت اقدامات کا سلسلہ شروع ہوا، اگر سندھ حکومت فوری اقدامات نہ کرتی تو کورونا سے پیدا ہونے والی صورت حال مزید بگڑسکتی تھی۔
ان کا کہنا تھا کہ آج دنیا زندگیاں محفوظ بنانے کے حوالے سے سندھ حکومت کے اقدامات کی تعریف کر رہی ہے، لیکن وفاقی حکومت کے رویے پر افسوس ہے کہ وہ کورونا کے بجائے سندھ حکومت سے لڑ رہی ہے۔
لائیو ٹی وی