اسلام آباد، آزاد کشمیر اور گلگت بلتستان میں نئے کیسز
ملک میں کورونا وائرس کے نئے کیسز آنے کا سلسلہ جاری ہے اور اسلام آباد، گلگت بلتستان اور آزاد کشمیر میں نئے کیسز رپورٹ ہوئے ہیں۔
سرکاری اعداد و شمار بتانے والی ویب سائٹ کے مطابق اسلام آباد میں مزید 9 کیسز سامنے آگئے، جس کے بعد وہاں متاثرین کی تعداد 131 سے بڑھ کر 140 ہوگئی۔
اسی طرح آزاد کشمیر میں بھی کورونا وائرس کے متاثرین کی تعداد 46 ہوگئی اور گزشتہ 24 گھنٹوں کے دوران مزید 3 نئے کیسز ریکارڈ کیے گئے۔
وہی گلگت بلتستان میں گزشتہ 2 روز سے کیسز کی تعداد میں کافی بہتری نظر آرہی ہے اور وہاں مزید صرف ایک کیس سامنے آیا، جس کے بعد علاقے میں متاثرین کی تعداد 234 تک پہنچ گئی۔
لائیو ٹی وی