مولانا فضل الرحمٰن نے جے یو آئی (ف) کی مرکزی کمیٹی کا اجلاس طلب کرلیا
جمعیت علما اسلام (ف) کے سربراہ مولانا فضل الرحمٰن نے اپنی رہائش گاہ پر پارٹی کی مرکزی کمیٹی کا اجلاس طلب کرلیا ہے۔
پارٹی ذرائع کے مطابق اجلاس میں مولانا عبدالغفور حیدری، مولانا امجد خان، اکرم خان درانی، مولانا عطا الرحمٰن، مولانا یوسف، مولانا قمر الدین اور مولانا فضل علی حقانی شریک ہوں گے۔
اجلاس کے دوران کمیٹی آزادی مارچ کی صورتحال اور انتظامی امور کا جائزہ لے گی۔
اجلاس میں اسلام آباد میں دھرنا کے شرکا کو کتنے دن تک رکھنا ہے اس حوالے سے حکمت عملی بھی تیار کی جائے گی، اجلاس کے شرکا حکومت سے مذاکرات اور ان کی تجاویز پر مشاورت بھی کریں گے۔
علاوہ ازیں وہ رہبر کمیٹی کی تجاویز کو بھی دیکھیں گے۔
لائیو ٹی وی