’مولانا فضل الرحمٰن خود فریبی سے نکلیں اور عوام کو تنگ نہ کریں‘
وزیراعظم کی معاون خصوصی برائے اطلاعات و نشریات فردوس عاشق اعوان نے کہا ہے کہ عام انتخابات میں ناکام ہونے والے جتھے کی صورت حقیقی عوامی مینڈیٹ کی توہین اور جمہوری نظام پر حملہ آور نہ ہوں۔
اپنے ٹوئٹ میں انہوں نے جمعیت علمائے اسلام (ف) کے دھرنے پر کڑی تنقید کرتے ہوئے کہا کہ مولانا فضل الرحمٰن خود فریبی سے نکلیں اور عوام کو تنگ نہ کریں۔
انہوں نے جے یو آئی کے سربراہ کو مخاطب کرکے کہا کہ’ آپ سازش میں ناکام ہوچکے ہیں‘۔
فردوس عاشق اعوان نے کہا کہ سیاسی تنہائی کا شکار مولانا فضل الرحمٰن ذاتی مفادات کی عینک اتار کر دیکھیں تو پتہ چلے گا کہ پاکستان تنہائی کا شکار نہیں۔
ان کا کہنا تھا کہ وزیراعظم عمران خان کی قیادت میں نئے پاکستان کا تشخص پوری دنیا میں ابھر کر سامنے آرہا ہے۔
لائیو ٹی وی