ریپ کا شکار لڑکی کی کہانی پر مبنی صبور علی کا نیا ڈراما
پاکستانی اداکارہ صبور علی بہت جلد 'نقب زن' نامی ڈرامے میں کام کرتی نظر آئیں گی جس میں وہ ایک جنسی ہراساں کی متاثر لڑکی کا کردار نبھارہی ہیں۔
اس ڈرامے کا ٹیزر بھی سامنے آگیا، جس میں صبور شادی کے جوڑے میں ملبوس اپنے تحفظ کے لیے بھاگتی نظر آئیں، جبکہ پس منظر میں ایک خاتون کی بھی آواز آئی جو صبور علی کو بتارہی ہیں کہ نکاح سے پہلے گھر سے باہر جانا دلہن کے لیے صحیح نہیں۔
ٹیزر میں مزید دکھایا گیا کہ ایک سین میں صبور کمرے میں اکیلی ہیں، جب کوئی منہ پر کپڑا رکھ کر انہیں بےہوش کردیتا ہے۔
اداکارہ نے یہ ویڈیو اپنے انسٹاگرام اکاؤنٹ پر بھی شیئر کی۔
اپنی پوسٹ میں انہوں نے لکھا کہ 'ہمیں انہیں سکھانا چاہیئے کہ زندگی کیسے گزاریں، آگے بڑھیں، خوش رہیں اور زندگی پر دوبارہ بھروسہ کریں، لوگوں کو انہیں ریپ کا نشانہ بننے والی کہنے کے بجائے بہادر کہنا چاہیئے اور وہ اکیلی نہیں ہیں'۔
ڈرامے کے مرکزی اداکار علی عباس نے بھی اپنے انسٹاگرام اکاؤنٹ پر ڈرامے کا ایک ٹیزر شیئر کیا۔
'نقب زن' کی ہدایات عدیل صدیقی نے دی ہے، جس میں علی عباس اور صبور علی کے ساتھ ساتھ حاجرہ یامین اور علی انصاری بھی کام کرتے نظر آئیں گے۔
ڈرامے کی پہلی قسط ہم ٹی وی پر 23 جولائی کو نشر کی جائے گی۔
لائیو ٹی وی