آمدن سے زائد اثاثہ جات کیس: نیب نے شہباز شریف کو پھر طلب کرلیا
لاہور: قومی احتساب بیورو (نیب) نے قومی اسمبلی میں اپوزیشن لیڈر اور پاکستان مسلم لیگ (ن) کے صدر میاں محمد شہباز شریف کو آمدن سے زائد اثاثہ جات ریفرنس میں ایک مرتبہ پھر طلب کرلیا۔
سابق وزیراعلیٰ پنجاب کو متعلقہ ریکارڈ کے ہمراہ لاہور میں قائم نیب کے دفتر میں 5 جولائی کو صبح 11 بجے تحقیقات کے لیے پیش ہونے کی ہدایت کی گئی۔
ڈان اخبار کی رپورٹ کے مطابق شہباز شریف کے بیٹے اور پنجاب اسمبلی میں اپوزیشن لیڈر حمزہ شہباز پہلے ہی نیب کی حراست میں موجود ہیں۔
ٰیہ بھی پڑھیں: رمضان شوگر ملز ریفرنس: شہباز شریف اور حمزہ شہباز پر فرد جرم عائد
نیب ترجمان کے مطابق یہ خاندان تقریباً 3 ارب 30 کروڑ روپے کی منی لانڈرنگ میں ملوث ہے، اس سے قبل شہباز شریف کو مذکورہ کیس میں 8 اپریل کو طلب کیا گیا تھا جبکہ آشیانہ ہاؤسنگ اسکیم کیس میں انہوں نے بتایا تھا کہ ان کے مالی معاملات کی دیکھ بھال ان کے بیٹے سلمان شہباز کرتے ہیں۔
دوسری جانب نیب، وفاقی تحقیقاتی ایجنسی (ایف آئی اے) کی معاونت سے بیرونِ ملک جانے کی کوشش کرنے والے محمد مشتاق نامی شخص کو گرفتار کرچکا ہے جس پر شریف خاندان کے فرنٹ مین ہونے کا الزم ہے۔
بعدازاں ایک بیان میں نیب نے بتایا کہ ملزم نے حمزہ اور سلمان شہباز کے فرنٹ مین کا کردار ادا کرتے ہوئے ان کے اکاؤنٹ میں 50 کروڑ روپے منتقل کیے۔
مزید پڑھیں: آشیانہ ہاؤسنگ اسکینڈل: شہباز شریف ودیگر پر فرد جرم عائد
آشیانہ ہاؤسنگ اسکیم کے ساتھ ساتھ شہباز شریف پر رمضان شوگر ملز کیس میں بھی فردِ جرم عائد ہوچکی ہے اس حوالے سے ان کے خلاف دائر ریفرنس میں کہا گیا تھا کہ شہباز شریف نے وزیر اعلیٰ پنجاب کی حیثیت سے چنیوٹ میں ایک نالہ بنانے کی ہدایت دی جس کا مقصد صرف اپنے بیٹوں کی ملکیت میں موجود رمضان شوگر ملز کو سہولت فراہم کرنا تھا۔
نیب ریفرنس کے مطابق مذکورہ نالے کی تعمیر کے لیے سرکاری خزانے کے 20 کروڑ روپے خرچ کیے گئے۔
ادھر آشیانہ ہاؤسنگ اسکیم کیس میں سابق وزیراعلیٰ پنجاب پر الزام ہے کہ انہوں نے آشیانہ منصوبے کے کامیاب بولی دہندہ چوہدری لطیف اینڈ سنز کو ٹھیکہ نہ دینے کے لیے اپنے اختیارات کا ناجائز استعمال کیا۔
یہ بھی پڑھیں: نیب قوم اور عدالت کا وقت ضائع کر رہی ہے، شہباز شریف
اس کی جگہ لاہور کاسا ڈویلپر (جے وی) کو ٹھیکہ دیا گیا جو مبینہ طور پر سابق وزیر ریلوے خواجہ سعد رفیق کی کمپنی ایم ایس پیراگون سٹی پرائیویٹ لمیٹڈ کی ذیلی کمپنی ہے۔
لائیو ٹی وی