جعلی اکاؤنٹس کیس: زرداری کے ساتھی اقبال خان نوری کا 14روزہ جسمانی ریمانڈ منظور
احتساب عدالت نے جعلی اکاؤنٹس کیس کے ملزم سابق صدر آصف زرداری کی پارک لین کمپنی کے ساتھ کام کرنے والی نجی کمپنی کے ڈائریکٹر اقبال خان نوری کو 14 دن کے جسمانی ریمانڈ پر نیب کے حوالے کر دیا۔
نیب نے جعلی اکاؤنٹس کیس کے ملزم اقبال خان نوری کو گرفتاری کے بعد احتساب عدالت کے جج محمد بشیر کے روبرو پیش کیا اور 14روزہ جسمانی ریمانڈ کی استدعا کی جسے عدالت نے منظور کر لیا۔
نیب حکام کی جانب سے عدالت کو بتایا گیا کہ ملزم جس نجی کمپنی کا ڈائریکٹر ہے وہ جعلی اکاؤنٹس کیس میں ملوث ہے اور آصف زرداری کی پارک لین کمپنی کے لیے کام کرتی ہے۔
ان کا کہنا تھا کہ گرفتار ملزم نیشنل بینک اور ایک نجی بینک سے 1.5 ارب روپے کا قرض حاصل کیا جس میں غیر قانونی طریقوں اور کرپشن کے پیسوں سے ساڑھے تین ارب روپے تک کا اضافہ کیا۔
اقبال خان نوری کے وکیل نے عدات میں اپنا موقف پیش کرتے ہوئے کہا کہ نیب نے فون کال پر بلا کر ان کے موکل کو گرفتار کرلیا۔
ان کا کہنا تھا کہ ’اقبال خان نوری دل کے عارضے میں مبتلا ہیں انہیں اہلخانہ سے ملاقات کی اجازت دی جائے۔
عدالت نے ان کی استدعا منظور کرتے ہوئے انہیں اہلخانہ سے ملاقات کی اجازت دے دی۔
لائیو ٹی وی