طلبہ کا پینٹنگ کے ذریعے جانوروں سے محبت کا پیغام
طلبہ نے جنگلی حیات کے عالمی دن کے موقع پر اپنی پینٹنگ کے ذریعے لوگوں کو جانوروں سے محبت کا پیغام دیا۔
محکمہ وائلڈ لائف آفیسر کا ڈان نیوز سے بات کرتے ہوئے کہنا تھا کہ ایسے پرندے جن کی نسل بہت کم رہ گئی ہے ہم ان کی حفاظت کر رہے ہیں۔ جو لوگ ان پرندوں کا شکار کرتے ہیں ہم ان کے خلاف ایکشن لیتے ہیں ایسے افراد کو گرفتار کیے جانے کے بعد سزائیں بھی ہورہی ہیں۔
ان کا کہنا تھا کہ وہ جنگلی جانوروں کے شکار کی روک تھام کے لیے ہر ممکن اقدامات کررہے ہیں۔
طلبہ نے جنگلی حیات کے عالمی دن کی مناسبت سے پیٹنگز بھی کیں جس کے ذریعے عوام کو جانوروں کی نسل بچانے اور ان سے محبت کا پیغام دیا۔
طلبہ کا کہنا تھا کہ لوگ جانوروں کو مار رہے ہیں، قیمتی جانور ہمارے ملک کا اثاثہ ہیں۔
جنگلی حیات عالمی دن کے موقع پر ہم پینٹنگ کر کے عوام کو جانوروں سے محبت کا درس دے رہے ہیں۔
محکمہ جنگلی حیات کے مطابق پنجاب میں 155 بریڈنگ اسٹیشنز پر جانوروں کی افزائش کا عمل جاری ہے۔
لائیو ٹی وی