پی ایس ایل 4: پشاور زلمی کے بلے باز انجری کا شکار
پاکستان سپر لیگ (پی ایس ایل) سیزن 4 کامیابی سے متحدہ عرب امارات میں جاری ہے اور ٹیمیں اپنے میچز میں کامیابی حاصل کرنے کے لیے سخت محنت کر رہی ہیں۔
تاہم پشاور زلمی کی ٹیم کے کھلاڑی صہیب مقصود انجری کا شکار ہوگئے ہیں۔
ٹیم کے ہیڈ کوچ محمد اکرم کے مطابق صہیب مقصود کی چھوٹی انگلی میں ہیرلائن فریکچر ہوگیا ہے۔
مزید پڑھیں: پی ایس ایل:عمرخان، اے بی ڈی ولیئرز کو آؤٹ کرکے اسٹار بن گئے
انہوں نے مزید بتایا کہ ’ ہم آج ہونے والے تربیتی سیشن میں ان کی صورتحال کا جائزہ لیں گے اور مزید فیصلہ کریں گے‘۔
خیال رہے کہ پاکستان سپر لیگ کامیابی سے جاری ہے اور پشاور زلمی کی ٹیم ایونٹ میں اب تک اپنے 2 میچز کھیل چکی ہے، جس میں سے اسے ایک میں کامیابی اور ایک میں ناکامی ہوئی تھی۔
یہ بھی پڑھیں: پی ایس ایل سے پاکستان کی ٹی ٹوئنٹی کرکٹ بہتر ہوئی ہے، وقار یونس
14 فروری سے شروع ہونے والا یہ ایونٹ 17 مارچ تک جاری رہے گا اور اس کے 8 میچز پاکستان کے شہر کراچی اور لاہور میں بھی کھیلے جائے گا جبکہ ایونٹ کا فائنل بھی شہر قائد میں ہوگا۔
پی ایس ایل کے پوائنٹس ٹیبل کی صورتحال
لائیو ٹی وی