6 سال سے بند مسافر ٹرین کو بحال کرنے کا نوٹیفکیشن جاری
پاکستان ریلوے نے ڈان نیوز کی خبر پر نوٹس لیتے ہوئے پنجاب کے علاقے سمہ سٹہ سے بہاولنگر اور امروکہ تک چلنے والی مسافر ٹرین کو بحال کرنے کا نوٹیفکیشن جاری کردیا۔
خیال رہے کہ گزشتہ 6 سال سے اس ٹریک پر مسافر ٹرینوں کی آمد و رفت بند تھی اور ڈان نیوز نے 17 نومبر کو بغداد ریلوے اسٹیشن اور اس ریلوے ٹریک کے بند کیے جانے کا پیکج نشر کیا تھا۔
مزید پڑھیں: ریلوے، سی پیک کیلئے ریڑھ کی ہڈی لیکن کوئی کام نہیں ہوا، شیخ رشید
جس پر پاکستان ریلوے نے مسافر ٹرین کو بحال کرتے ہوئے نوٹیفکیشن جاری کردیا۔
نوٹیفکیشن کے مطابق 6 سال بعد پہلی مسافر ٹرین 15 دسمبر کو سمہ سٹہ سے براستہ بہاولنگر اور امروکہ اسٹیشن تک چلائی جائے گی۔
پاکستان ریلوے کے مطابق پہلی ٹرین 15 دسمبر کو صبح 7 بجے سمہ سٹہ جنکشن سے روانہ ہوگی۔
یہ بھی پڑھیں: وزیر ریلوے شیخ رشید کا تین نئی ٹرینیں چلانے کا اعلان
ادارے نے ٹریک پر ایک اپ اور ایک ڈاون ٹرین چلانے کا فیصلہ کرلیا۔
ریلوے ٹریک پر مسافر ٹرین کی بحالی سے بہاولنگر اور امروکہ آنے جانے والے مسافر مستفید ہوسکیں گے۔
لائیو ٹی وی