چہرے کی رونق بڑھانے کیلئے محض 2 اجزاء سے تیار کردہ گھریلو ماسک

میمونہ رضا نقوی شائع November 9, 2018

کون اپنے چہرے کو خوبصورت اور پر رونق نہیں رکھنا چاہتا، لیکن ماحولیات میں آنے والی تبدیلیوں کی وجہ سے چہرے کی چمک اور رنگت بھی بہت حد تک اثر انداز ہوتی ہے۔

اپنی اندورونی صحت کا خیال رکھنے کے ساتھ ساتھ لوگ اپنی ظاہری شخصیت کو بھی متاثر کن بنانے کے لیے خود پر بہت محنت کرتے ہیں۔

تھکاوٹ، دھوپ، مٹی اور نیند کی کمی کے باعث چہرے کی رونق میں جو کمی آجاتی ہے، اسے پارلر جاکر مہنگے مہنگے فیشلز اور ماسک کی مدد سے واپس لانے کی کوشش کرتے ہیں۔

جبکہ خوبصورت اور تر و تازہ نظر آنے کے لیے کئی مہنگے ترین پروڈکس کا بھی استعمال کرتی ہیں۔

تاہم بہت سے ایسے میک اپ پروڈکس میں کیمیکلز بھی موجود ہوتے ہیں، جو چہرے کی کھوئی چمک واپس لانے کے بجائے کبھی کبھار جلد کو خراب بھی کردیتے ہیں۔

جبکہ آپ کو اس بات کا اندازہ بھی نہیں ہوپاتا کہ کون سا پروڈک آپ کی جلد کو خراب نہیں کرے گا۔

یہ بھی پڑھیں: جگمگاتی جلد کے لیے یہ غذائیں استعمال کریں

ایسے میں ان کیمیکلز سے تیار کردہ پروڈک کے استعمال کے بجائے اپنے کچن میں موجود اجزاء کا استعمال کریں، جو آپ کے چہرے کو اس سے کئی زیادہ فائدہ پہنچا سکتے ہیں۔

یہاں ہر گھر میں موجود ان 2 اجزاء کا استعمال کرتے ہوئے نہایت آسان فیشل ماسک تیار کرکے استعمال کریں۔