وزیر اعظم کی کینسر کے مرض میں مبتلا کھلاڑی مہک کے علاج کی ہدایت
وزیر اعظم پاکستان عمران خان نے کینسر کے مرض میں مبتلا ٹیبل ٹینس کی کھلاڑی مہک انور کی بیماری کا نوٹس لیتے ہوئے علاج معالجے کے تمام تر انتظامات کرنے کی ہدایت کی ہے۔
مہک انور ٹیبل ٹینس کی کھلاڑی ہیں اور گزشتہ سال 24ویں جونیئر اینڈ کیڈٹ ٹیبل ٹینس چیمپیئن شپ میں سندھ کی نمائندگی کر چکی ہیں۔
وہ گزشتہ کچھ عرصے سے کینسر کے موذی مرض میں مبتلا ہیں اور ان کے والد نے حکومت سے کمسن کھلاڑی کے علاج کی درخواست کی تھی۔
مہک کے والد ایک اسکول میں نائب قاصد ہیں اور کینسر کے علاج کے اخراجات برداشت کرنے کی سکت نہیں رکھتے اور یہی وجہ تھی کہ انہوں نے پاکستان کی باصلاحیت ٹینس کی کھلاڑی کے علاج کی درخواست کی تھی۔
حکومت کے ترجمان اور وزیر اطلاعات فواد چوہدری نے اپنی ٹوئٹ میں بتایا کہ وزیر اعظم عمران خان نے پہلا نوٹس لیتے ہوئے کینسر کے مرض میں مبتلا بچی مہک انور کے علاج کے انتظامات کی ہدایت کی ہے۔
لائیو ٹی وی