پنجاب میں حکومت سازی کا عمل جلد شروع کریں گے، فواد چوہدری
پاکستان تحریک انصاف (پی ٹی آئی) کے ترجمان فواد چوہدری نے کہا کہ آزاد امیدواروں کی شمولیت سے پنجاب اسمبلی میں مطلوبہ تعداد میں مزید اضافہ ہوگا جس کے بعد حکومت سازی کا عمل جلد شروع کریں گے۔
پی ٹی آئی کی جانب سے صوبائی اسمبلی کے کامیاب آزاد امیدواروں کی شمولیت کے بعد 130 نشستیں حاصل کرکے اکثریتی جماعت بننے کا دعویٰ کیا گیا ہے۔
پنجاب میں 25 جولائی کے انتخابات کے بعد پاکستان مسلم لیگ (ن) 129 نشستوں کے ساتھ سرفہرست جماعت تھی اور پی ٹی آئی 123 نشستیں حاصل کرکے دوسرے نمبر پر تھی تاہم واضح اکثریت نہ ہونے پر صوبے میں حکومت سازی کے لیے دونوں جماعتوں کی جانب سے جوڑ توڑ کا سلسلہ جاری ہے۔
پی ٹی آئی میں شامل ہونے والے 3 امیدواروں میں پی پی-46 نارووال ون سے کامیاب امیدوار پیر سید سیر الحسن، پی پی 7 راولپنڈی ٹو سے کامیاب امید وار راجا صغیر احمد اور پی پی-217 ملتان 7 سے محمد سلمان ہیں۔
رپورٹ:فہد چوہدری
خبر کی تفصیل یہاں پڑھیں۔
لائیو ٹی وی