ریٹرننگ افسران کو انتخابی نتائج 29 جولائی تک مرتب کرنے کی ہدایت
الیکشن کمیشن پاکستان ( ای سی پی ) نے ریٹرننگ افسران کو انتخابات کے حتمی نتائج مرتب کرنے کے لیے 29 جولائی تک کا وقت دے دیا۔
ای سی پی نے تمام ریٹرننگ افسران کو ہدایات دی ہیں کہ جو امیدوار فارم 45 کی نقل مانگے تو انہیں فراہم کی جائے۔
اس کے ساتھ ساتھ حتمی نتائج مرتب کرنے سے پہلے امیدواروں یا ایجنٹس کو تحریری طور پر اطلاع دی جائے۔
الیکشن کمیشن کی ہدایت کے مطابق آر او حتمی نتائج مرتب کرنے کے لیے وقت اور مقام بھی امیدواروں کو بتائیں اورحتمی نتائج امیدواروں یا ایجنٹس کی موجودگی میں مرتب کیے جائیں۔
ادارے کی جانب سے کہا گیا کہ ریٹرننگ افسران پوسٹل بیلٹ پیپرز کی گنتی بھی امیدواروں یا ایجنٹس کی موجودگی میں کریں، اگر دوبارہ گنتی کی درخواست موصول ہو تو ریٹرننگ افسران مناسب سمجھیں تو گنتی کریں۔
رپورٹ: فہد چوہدری
لائیو ٹی وی