تحریک انصاف کو 110 نشستوں کے ساتھ برتری حاصل، سرکاری نتائج
الیکشن کمیشن پاکستان ( ای سی پی ) نے قومی اور چاروں صوبائی اسمبلی کے 95 فیصد عبوری نتائج جاری کردیے۔
سرکاری نتائج کے مطابق پاکستان تحریک انصاف نے قومی اسمبلی میں 110، پنجاب میں 118، سندھ میں 20، خیبرپختونخوا میں 66 اور بلوچستان میں 4 نشستیں حاصل کیں۔
نتائج کے مطابق پاکستان مسلم لیگ (ن) دوسرے نمبر پر رہی اور وہ قومی اسمبلی میں 63، پنجاب میں 127، سندھ میں کوئی نہیں، خیبرپختونخوا میں 5 اور بلوچستان میں صرف ایک نشست حاصل کرسکی۔
اسی طرح عام انتخابات کے نتائج میں پیپلز پارٹی نشستیں حاصل کرنے میں تیسرے نمبر پر رہی اور قومی اسمبلی کی 42، پنجاب میں 6، سندھ میں 71، خیبرپختونخوا میں 4 اور بلوچستان میں کوئی نشست حاصل نہیں کرسکی۔
الیکشن کمیشن کی جانب سے قومی اسمبلی کی 19، پنجاب کی 6، سندھ کی 11، خیبرپختونخوا کی 2 اور بلوچستان کی 5 نشستوں کے نتائج ابھی تک جاری نہیں کیے گئے۔
لائیو ٹی وی